लोणी भापकर येथे धर्मवीर छत्रपती संभाजी महाराज यांच्या जयंतनिमित्त क्रिकेट स्पर्धांचे आयोजन
लोणी भापकर : डिजिटल महाराष्ट्र न्यूज
लोणी भापकर येथील राजे प्रतिष्ठान यांच्याकडून गतवर्षी धर्मवीर छत्रपती संभाजी महाराज यांच्या जयंतनिमित्त भव्य क्रिकेट स्पर्धेचे आयोजन करण्यात आले होते. स्पर्धेचे उद्घाटन सुनिल बारवकर, गणेश भापकर, राजेंद्र मदने, आदित्य पांडेकर यांच्या हस्ते करण्यात आले.
प्रतिष्ठानचे सदस्य व आयोजक यांच्या प्रयत्नाने सामने उत्साहात पार पडले. यामध्ये लहान मुलांसह ज्येष्ठांनी सुद्धा सहभाग घेतला. या स्पर्धांमध्ये रायगड, तोरणा, शिवनेरी, पुरंदर व राजगड अश्या ५ टीमने सहभाग घेतला. मागील वर्षीचा विजेता संघ रायजिंग रायगड यांनी राजगड फायटर्स यांना हरवून यावर्षी देखील प्रथम क्रमांकाचा मान पटकवला. विजेत्यांना अशोक जाधव, विजय पाटोळे यांच्या हस्ते सन्मानचिन्ह देऊन गौरविण्यात आले. राजे प्रतिष्ठान नेहमी सामाजिक, शैक्षणिक व क्रीडा क्षेत्रात सहभागी असते.
