बारामतीची आंतरराष्ट्रीय बेसबॉलपट्टू रेश्मा पुणेकर करणार भारतीय बेसबॉल संघाच्या कर्णधारपदी नेतृत्व, हाँगकाँग येथे तिसऱ्या आंतरराष्ट्रीय महिला एशियन कप 2023 या स्पर्धेत कर्णधार म्हणून नेतृत्व

डिजिटल महाराष्ट्र न्यूज : प्रतिनिधी
अगदी लहानपणापासूनच बकऱ्यांच्या मागे काठी घेऊन धावणे, काठीने दगड मारण्याचा खेळ खेळणे, दगड हातात घेऊन पीचींग करणे, हुंदडणे पण त्याच काठीच्या आकाराची स्लगर कधी भारतीय संघाची खेळाडू नव्हे तर भारतीय संघाची कर्णधार बनवेल असे स्वप्नातही वाटले नव्हते.
ही कथा आहे मेंढपाळ कन्येच्या संघर्षाची.
रेश्मा आजपर्यंत चीन आणि हाँगकाँग या देशात दोन आंतरराष्ट्रीय सामने खेळली आहे. एक नव्हे दोन नव्हे तर तब्बल 23 राष्ट्रिय सामन्यात महाराष्ट्राच्या संघाचे नेतृत्व रेश्माने केले आहे. 28 राज्यस्तरीय सामने, 04 गोल्ड मेडल, 06 रजत पदक, 03 कास्य पदक आणि महाराष्ट्राचा सर्वोत्कृष्ट खेळाडू पुरस्कार तिने प्राप्त केला आहे. शेवटचे ध्येय भारतीय संघाचे नेतृत्व करणं, हॉंगकॉंग, चिन सारख्या आगळ्यावेगळ्या देशात जाऊन दोन वेळा एशियन स्पर्धा खेळून आलेली रेश्मा पुणेकर पुन्हा एकदा हॉंगकॉंग सारख्या देशात होणाऱ्या तिसऱ्या आंतरराष्ट्रीय महिला एशियन कप 2023 या स्पर्धेत कर्णधार म्हणून नेतृत्व करणार आहे.
बारामतीच्या कायम जिरायती आणि दुष्काळी भागात जन्माला येऊन आर्थिक परिस्थितीवर मात करीत स्वतःचे खेळरुपी वलय निर्माण करणारी एक संघर्षशील, धैयशिल, कृतिशील आंतरराष्ट्रीय खेळाडू म्हणजे रेश्मा पुणेकर.
एवढे सारे खेळ रुपी आयुष्य असून सुद्धा पुन्हा एकदा परिस्थिती तोंड आ वासून उभी आहे तिसऱ्या आंतरराष्ट्रीय स्पर्धेसाठी लागणाऱ्या खर्चासाठी.
सावित्रीबाई फुले पुणे विद्यापीठ, पुणे येथे शारिरीक शिक्षण विभागात ती एम. पी. एड ह्या वर्गात शिकत असून आजही स्पर्धेमध्ये मिळालेले करंडक, मिडल, प्रमाणपञे अश्या मौल्यवान आयुष्याच्या शिदोर्‍या ठेवण्यासाठी लाकडी कपाट सुद्धा तिच्याजवळ नाही.
कोणतीही आधुनिक उपकरणे साहित्य तिच्या घरामध्ये नाहीत. आहे ते फक्त दोन बैलजोडी. राब राब राबणारे काळ्या आईच्या उत्पन्नाच्या आशेवरती रात्रीचा दिवस करत खपणारे तिचे आई-वडील. मुलीच्या खेळासाठी तिच्या आई-वडिलांनी सगळी बकरी विकली. खेळासाठी रान सुद्धा विकले परंतु आजही तिची परिस्थिती काळ बनून तिच्यासमोर उभी आहे म्हणून तिच्या खेळरुपी पंखांना बळ देण्यासाठी दानशुरांच्या आर्थिक मदतीची आणि आशीर्वादाची गरज आहे. जिद्द, चिकाटी आणि आत्मविश्वासाच्या जोरावर ती नक्कीच महाराष्ट्राचेच नव्हे तर देशाचे नाव सुद्धा उंचावेल यात शंका नाही तरी येणाऱ्या काळात आहारासाठी, खेळण्याच्या साहित्यासाठी व इतर लागणारा खर्च तिला पेलवणारा नाही म्हणून समाजातील दानशूरांना रेश्मा पुणेकर मदतीचे आव्हान करत आहे.
रेश्मा शिवाजी पुणेकर
रा. तरडोली, ता. बारामती, जि.पुणे
A/c number – 60139937607
IFSC CODE – MAHB0001085
Branch – जळगाव क. प. महाराष्ट्र बँक