राजे प्रतिष्ठान लोणी भापकरच्या वतीने वारकऱ्यांसाठी बिस्कीट पुड्यांचे वाटप
डिजिटल महाराष्ट्र न्यूज : प्रतिनिधी
लोणी भापकर येथील राजे प्रतिष्ठान यांच्यामार्फत श्री संत सोपानकाका महाराजांच्या पालखीतील वारकऱ्यांसाठी कोऱ्हाळे नजीक पेशवेवस्ती बिस्कीट पुड्यांचे वाटप करण्यात आले.
राजे प्रतिष्ठानच्या कार्यकर्त्यांना आलेल्या वारकऱ्यांची सेवा करण्याचे सौभाग्य प्राप्त झाले. वारकऱ्यांच्या व संत सोपानकाका महाराज यांच्या आशीर्वादाने राजे प्रतिष्ठान लोणी भापकर हे पुढील काळात सामाजिक व शैक्षणिक क्षेत्रात उत्तम प्रकारे काम करेल अशी सर्व कार्यकर्त्यांनी पांडुरंगाच्या चरणी प्रार्थना केली. यावेळी छत्रपती उदयनराजे भोसले यांचे सुपे परगणा प्रमुख सुनिलराजे भोसले, वडगाव निंबाळकर पोलीस ठाण्याचे सहाय्यक पोलीस निरीक्षक सचिन काळे व त्यांचे सहकारी, राजे प्रतिष्ठानचे अध्यक्ष, उपाध्यक्ष, सचिव यांच्यासह कार्यकर्ते मोठ्या संख्येने उपस्थित होते.
