जोगवडीत सुनील राजेभोसले यांच्या वाढदिवसानिमित्त गुणवंत विद्यार्थ्यांचा सन्मान

डिजिटल महाराष्ट्र न्यूज : प्रतिनिधी
जोगवडी नजिक मुकदममळा (ता. बारामती) याठिकाणी खासदार श्रीमंत उदयनराजे भोसले यांचा विजय उत्सव व खासदार श्रीमंत उदयनराजे भोसले यांचे सुपा परगना प्रमुख सुनील राजेभोसले यांच्या वाढदिवसाच्या निमित्ताने इयत्ता दहावी व बारावीच्या परीक्षेत यश मिळवलेल्या गुणवंत विद्यार्थ्यांचा सन्मान करण्यात आला.
अक्कलकोट संस्थानचे राजासाहेब श्रीमंत मालोजीराजे भोसले, खासदार श्रीमंत उदयनराजे भोसले यांचे सुपा परगना प्रमुख सुनील राजेभोसले व मान्यवर यांच्या हस्ते विद्यार्थ्यांचा वह्या, पेन, कंपास असे शालेय साहित्य देऊन सन्मान करण्यात आला. यावेळी प्रमुख मान्यवरांकडून विद्यार्थ्यांच्या पुढील शिक्षणासाठी शुभेच्छा व मार्गदर्शन करण्यात आले.
वडगाव निंबाळकर, सोमेश्वर, लोणी भापकर, मुर्टी, मोरगाव परिसरात शिकणाऱ्या विद्यार्थ्यांनी दहावीच्या व बारावीच्या परीक्षेत उत्तुंग यश मिळवले. विद्यार्थ्यांनी मिळवलेले हे यश अभिमानास्पद असल्याने सुनील राजेभोसले यांच्या वतीने त्यांचा सन्मान करण्यात आला. याप्रसंगी अमित राजेभोसले इंडस्ट्रीजच्या वतीने विद्यार्थ्यांना सत्कार रूपाने शैक्षणिक साहित्यांची मदत करण्यात आली. तसेच सर्वांना स्नेहभोजन देण्यात आले.
याप्रसंगी पिलाजी राजे शिर्के यांचे वंशज अमित राजे शिर्के, सुरसिंह जाधवराव, माजी बांधकाम सभापती प्रमोद काकडे, दूध संघाचे माजी चेअरमन पोपटराव भोसले, छोटा पुढारी घनश्याम दरोडे, अंजली ठोंबरे, मिनाकाकी सातव, कामिनिताई ताकवले, दर्शनाताई पठारे, राहुल दोरगे, अमित राजेभोसले, तानाजी कोळेकर, भाऊसाहेब कोळेकर यांच्यासह गुणवंत विद्यार्थी, पालक व ग्रामस्थ उपस्थित होते.
या कार्यक्रमाचे प्रास्ताविक युवराज दादा जाधवराव, सूत्रसंचालन श्रीकांत पवार व आभार डॉ. सतीश राजे भोसले यांनी मानले.