लक्ष्मी रोडवेज यांच्या सामाजिक बांधिलकीतून शालेय विद्यार्थ्यांना शैक्षणिक साहित्याचे वाटप

डिजिटल महाराष्ट्र न्यूज : प्रतिनिधी
मुर्टी (ता.बारामती) येथील उदयोजक तुषार सतिश जगदाळे आणि निलेश मांढरे यांच्या माध्यमातून व लक्ष्मी रोडवेज यांच्या सामाजिक बांधिलकीतून गदादेवस्ती येथील इयत्ता 1 ली ते 4 थीच्या विद्यार्थ्यांना वह्या, पेन, आणि अंगणवाडी विद्यार्थ्यांना पाटी-पेन्सिल वाटप करण्यात आले. गदादेवस्ती शालेय समितीचे अध्यक्ष शिवाजी गदादे यांच्या प्रमुख उपस्थितीत हा कार्यक्रम घेण्यात आला.
यावेळी शरद साळूंखे, रवींद्र बालगुडे, निलेश शेलार, संधीर राजपुरे, संजय गदादे तसेच अंगणवाडी सेविका निर्मला गदादे उपस्थित होत्या.
कार्यक्रमाचे सूत्रसंचालन आणि आभार शाळेचे मुख्याध्यापक संदीप गाढवे गुरुजी यांनी केले.