करंजे येथील सोमेश्वर विद्यालयातील विद्यार्थ्यांना सोमेश्वर सेवाभावी संस्थेच्यावतीने शालेय साहित्याचे वाटप

डिजिटल महाराष्ट्र न्यूज : प्रतिनिधी
करंजे (ता. बारामती) येथील सोमेश्वर विद्यालय सोमेश्वरनगर भाग शाळा करंजे याठिकाणी शनिवार दि. 22 जून रोजी गरजुवंत होतकरू विद्यार्थी यांना सोमेश्वर सेवाभावी संस्थेच्या वतीने स्कूलबॅग, कंपास, पेन, वह्या, टिपीन बॅग, पाणी बाॅटल आदी शालेय साहित्य सोमेश्वर कारखान्याचे चेअरमन पुरूषोत्तम जगताप यांच्या हस्ते वाटप करण्यात आले.
यावेळी सीईटी परीक्षेत पास झालेला समर्थ शिंदे व एमपीएससी परीक्षेत पास झालेले निखिल थिटे यांचाही मान्यवरांच्या हस्ते सत्कार करण्यात आला.
सोमेश्वर सेवाभावी संस्थेचे अध्यक्ष सुखदेव शिंदे, उद्योजक संतोष कोंढाळकर, सामाजिक कार्यकर्ते शिवाजीराव शेंडकर यांनी या कार्यक्रमाचे आयोजन केले होते.
यावेळी सुखदेव शिंदे यांनी आपल्या सोमेश्वर सेवाभावी संस्थेच्या वतीने रक्तदान, नेत्र शिबीर, मोफत चष्मेवाटप, तसेच सामाजिक क्षेत्रात करीत असलेल्या विविध उपक्रमांची माहिती दिली.
यावेळी बोलताना चेअरमन जगताप यांनी राज्याचे उपमुख्यमंत्री अजितदादा पवार यांच्या विशेष प्रयत्नातून खासबाब म्हणून ही कारखान्यातर्फे भाग शाळा सुरू करण्यात आली. करंजे गावातील विद्यार्थ्यांना जवळच शैक्षणिक सुविधा उपलब्ध व्हावी म्हणून ही शाळा सुरू झाली. या शाळेचे क्रीडांगण चांगल्या पद्धतीने करून देण्याचा निर्णय संचालक मंडळांनी घेतल्याची माहिती यावेळी जगताप यांनी दिली.
सोमेश्वर सहकारी साखर कारखान्याचे संचालक ऋषिकेश गायकवाड यांनी देखील शाळेच्या विकासाच्या दृष्टिकोनातून मनोगत व्यक्त केले.
शालेय साहित्य वाटप केल्याने शाळेतील होतकरू गरजू विद्यार्थी यांच्या चेहऱ्यावर आनंद दिसून आला.
यावेळी सोमेश्वर सहकारी साखर कारखान्याचे संचालक प्रविण कांबळे, सोमेश्वर सेवाभावी संस्थेचे अध्यक्ष सुखदेव शिंदे, उद्योजक संतोष कोंढाळकर, सामाजिक कार्यकर्ते शिवाजीराव शेंडकर, करंजेचे सरपंच भाऊसाहेब हुंबरे, उपसरपंच मयुरी गायकवाड, चौधरवाडीचे सरपंच शशांक पवार, भारतीय पत्रकार संघाचे तालुकाध्यक्ष विनोद गोलांडे, वैभव गायकवाड, सुधीर गायकवाड, भरत हगवणे, तानाजीराव भापकर, संताजीराव गायकवाड, शिवसेना विभागप्रमुख (उ. बा. ठाकरे गट) राकेश गायकवाड, विष्णू दगडे, अशोक होळकर, सोमेश्वर विद्यालय सोमेश्वरनगरचे प्राचार्य पी. बी.जगताप, विद्यालयातील शिक्षक, शिक्षकेतर कर्मचारी व विद्यार्थी उपस्थित होते.
या कार्यक्रमाचे प्रस्ताविक उपप्राचार्य आर. बी. नलवडे, सूत्रसंचालन व्ही. एल. पाटोळे, यांनी तर आभार एच. एम. गाडेकर यांनी मानले.