निरावागज येथे श्रावणी पोळा उत्साहात साजरा
डिजिटल महाराष्ट्र न्यूज : प्रतिनिधी
श्रावणी पोळ्यानिमित्त निरावागज याठिकाणी बैलपोळा उत्सवात साजरा करण्यात आला. याठिकाणी गावचे मानकरी गुरव परिवार यांना मान दिला जातो.
यावर्षी श्री कुमार मुरलीधर गुरव यांच्या बैलाचा मान गावकऱ्यांनी मोठ्या थाटात, आनंदात साजरा केला. यावर्षी गुरव परिवाराने बैलांची आकर्षक सजावट केली होती. झुल, बाशिंग, शिंगाला आकर्षक रंग, रंगीत गोंडे, शेंबे, बेगिड, आकर्षक सजावट करून गावामध्ये मिरवणूक काढण्यात आली. जुन्या परंपरेनुसार गुरव परिवारातील बैलांचे स्वागत गावकरी करत असतात. यावर्षीही मोठ्या उत्साहात बैलांचे तसेच सर्वांचे ग्रामपंचायत निरावागजच्या सामाजिक, राजकीय कार्यकर्ते, पदाधिकारी यांनी मोठ्या उत्साहात स्वागत केले. गुरव परिवारातील सत्यजित गुरव, निखिल गुरव, कृष्णा गुरव, शुभम गुरव, पांडुरंग गुरव, सचिन गुरव, अमोल गुरव, सागर गुरव, रिवांश गुरव उपस्थित होते. यावेळी सामाजिक कार्यकर्ते सुनील देवकाते यांनी मानाच्या बैलाची दर्शन घेऊन पूजन केले व गुरव परिवाराचे शाल, श्रीफळ देऊन आभार मानले व स्वागत केले.
