शाळेतील विद्यार्थ्यांना खाऊवाटप, कपडेवाटप व वृक्षारोपण करून नवनाथ भापकर यांचा वाढदिवस साजरा
डिजिटल महाराष्ट्र न्यूज : प्रतिनिधी
लोणी भापकर येथील भैरवनाथ विकास सोसायटीचे संचालक आणि भापकरवस्ती शाळेतील शालेय व्यवस्थापन समितीचे अध्यक्ष नवनाथ महादेव भापकर यांच्या वाढदिवसानिमित्त भापकरवस्ती येथील अंगणवाडी आणि जिल्हा परिषद प्राथमिक शाळेतील विद्यार्थ्यांना केळी वाटप करण्यात आली. लोणी भापकर गावठाण हद्दीतील झोपडपट्टीमधील गरजू आणि गरीब मुलांना वाढदिवसानिमित्त कपडे व साडी वाटप तसेच शाळेच्या आवारात वृक्षारोपण करण्यात आले.
यावेळी भैरवनाथ विकास सोसायटीचे संचालक गोविंद भापकर, माजी उपसरपंच संतोष खैरे, माजी ग्रामपंचायत सदस्य दत्तात्रय जगदाळे, बाळुआप्पा सहकारी पतसंस्थेचे सचिव महाराज नाना गोलांडे, शालेय व्यवस्थापन समितीच्या उपाध्यक्षा वनिता भापकर, प्राचीताई भापकर, भैरवनाथ विकास सोसायटीचे माजी संचालक निलेश भापकर, रमेश भापकर, जयराम बारवकर, नाना भापकर, गणेश मासाळ, अण्णा भरगुडे, अमोल राजपुरे, रामभाऊ भरगुडे व शाळेतील शिक्षिका, अंगणवाडी सेविका, मदतनीस व ग्रामस्थ उपस्थित होते.
