पांढरवस्ती शाळेत नवरात्री महोत्सवानिमित्त महाभोंडला उत्साहात साजरा

डिजिटल महाराष्ट्र न्यूज : प्रतिनिधी
न्यू इंग्लिश स्कूल पांढरवस्ती, चोपडज या विद्यालयात नवरात्री महोत्सवानिमित्त महाभोंडला व माता पालक मेळाव्याचे आयोजन करण्यात आले होते.
या कार्यक्रमासाठी प्रमुख पाहुण्या म्हणून महिला पोलीस हवालदार अमृता भोईटे व स्त्रीरोग तज्ञ डॉ.तेजस्वी जगताप व डॉ.अंकिता जगताप या होत्या. कार्यक्रमाच्या अध्यक्षस्थानी विद्यालयाचे मुख्याध्यापक एस .जे. इनामदार हे होते.
अमृता भोईटे यांनी महिलांचे हक्क व महिलांविषयी कायदे या विषयावर मार्गदर्शन केले. डॉ. जगताप यांनी महिलांच्या आरोग्यविषयक समस्या या विषयावर उपस्थित विद्यार्थिनी व माता पालक यांना मार्गदर्शन केले.
उपस्थित माता पालक यांच्या चमच्या लिंबू, संगीत खुर्ची व उखाणे स्पर्धा घेऊन त्यांना मुख्याध्यापक एस जे इनामदार सर यांच्या हस्ते बक्षीस वितरण करण्यात आले.
याप्रसंगी विद्यालयातील विद्यार्थिनींनी दांडिया नृत्य, टिपरी नृत्य व महाभोंडला यांचे सादरीकरण केले.
या कार्यक्रमाचे सूत्रसंचालन विद्यालयातील शिक्षिका राधिका साळुंखे, सुमैय्या आत्तार, पल्लवी निगडे यांनी केले. कार्यक्रमाचे प्रास्ताविक पुष्पलता जगताप यांनी केले, उपस्थितांचे आभार स्वाती सावळकर यांनी मानले.

याप्रसंगी ग्रामपंचायत सदस्या, माता पालक, शिक्षक, शिक्षकेतर कर्मचारी व विद्यार्थिनी मोठ्या संख्येने उपस्थित होते.