मासाळवाडी येथील शाळेत भोंडला

डिजिटल महाराष्ट्र न्यूज : प्रतिनिधी
मासाळवाडी (ता. बारामती) येथील जिल्हा परिषद प्राथमिक शाळेत नवरात्रीच्या पार्श्वभूमीवर भोंडला कार्यक्रम साजरा करण्यात आला. शाळेतील विद्यार्थी- विद्यार्थिनी व महिलांनी या कार्यक्रमात सहभाग घेऊन भोंडला कार्यक्रमास रंगत आणली. कार्यक्रमादरम्यान शिक्षिका महिलांनी गजमूर्तीचे पूजन केले. त्यानंतर मुला-मुलींनी दांडिया खेळण्याचा आनंद घेतला. गीतांवर दांडिया, गरबा खेळ खेळण्यात आला. त्यानंतर सर्वाँना खिरापत वाटण्यात आली.

या कार्यक्रमाचे आयोजन मुख्याध्यापक भगवान जगदाळे, सुमन ढोले, संपत मासाळ, पोपट मासाळ, प्रकाश भापकर यांनी केले होते.