मुख्याध्यापक संघाच्या वतीने दिला जाणारा आदर्श मुख्याध्यापक पुरस्कार एस.जे. इनामदार सर यांना प्रदान
मुख्याध्यापक संघाच्या वतीने दिला जाणारा आदर्श मुख्याध्यापक पुरस्कार एस.जे. इनामदार यांना प्रदान
डिजिटल महाराष्ट्र न्यूज : प्रतिनिधी
पुणे जिल्हा माध्यमिक व उच्च माध्यमिक शाळा मुख्याध्यापक संघाच्या वतीने दिला जाणारा आदर्श मुख्याध्यापक पुरस्कार न्यू इंग्लिश स्कूल पांढरवस्ती, चोपडज विद्यालयाचे कर्तव्यदक्ष मुख्याध्यापक एस.जे. इनामदार यांना शिक्षक आमदार जयंत आसगावकर यांच्या हस्ते प्रदान करण्यात आला.
एस. जे. इनामदार यांनी आपल्या केवळ दोन वर्षाच्या मुख्याध्यापक पदाच्या कार्यकाळात जे सामाजिक, शैक्षणिक व प्रशासकीय कार्य केले या कार्याची दखल घेऊन त्यांना हा पुरस्कार देण्यात आला.
याप्रसंगी ज्ञानेश्वर म्हात्रे, शिक्षण संचालक संपत सूर्यवंशी, दत्तात्रय सावंत, जे. के. पाटील, शिक्षण अधिकारी सुनंदा वाखारे, लेखक शरद तांदळे व जिल्ह्यातील सर्व मुख्याध्यापक उपस्थित होते.
संस्थेचे अध्यक्ष प्रवीण भोसले, उपाध्यक्ष हनुमंत जगताप, सचिव रमेश भोसले, संस्थेचे सर्व संचालक मंडळ, शिक्षक, शिक्षकेतर कर्मचारी, विद्यार्थी यांनी शाल, श्रीफळ, व गुलाबपुष्प देऊन इनामदार सर यांचे अभिनंदन केले. तसेच त्यांचे सर्व स्तरातून अभिनंदन होत आहे.
